РӯӣдодҳоRSS

18.05.2015

Санаи 15-уми майи соли 2015, таҳти раёсати Муовини якуми Сарвазири Ҷумҳурии Тоҷикистон, Раиси Шӯро оид ба шарики давлат ва бахши хусусӣ Давлаталӣ Саид ҷаласаи дуюми Шӯро оид ба шарикии давлат ва бахши хусусӣ баргузор гардид.

Дар ҷаласа оид ба мониторинги иҷрои қарорҳои ҷаласаи якуми Шӯро, аз ҷумла лоиҳаҳои «Сохтмони неругоҳҳои барқии обӣ дар ҳавзаи дарёи Зарафшон ва шохобҳои он», «Сохтмони Маркази нақлиётию логистикӣ» дар ш. Турсунзода, «Барқарорсозии системаи обтаъминкунӣ», «Сохтмони хати роҳи оҳан» ва «Сохтмони инфрасохтори аввалия» дар Минтақаи озоди иқтисодии «Суғд» гузориши шахсони расмӣ шунида шуданд.

Ҳамчунин дар ҷаласа оид ба лоиҳаҳои нави шарики давлат ва бахши хусусӣ, аз қабили «Сохтмони хати интиқоли барқ ба МОИ Данғара», лоиҳаи «Таъсиси Маркази симулятсионии тиббӣ дар Ҷумҳурии Тоҷикистон» ва лоиҳаи «Сохтмон, истифодабарӣ ва супоридани Бӯстонсарой» муҳокимаҳо сурат гирифта, гузориши шахсони расмӣ ва муаррифии шарикони рушд манзур карда шуданд.

Дар интиҳои ҷаласа, оид ба таъсиси Фонди таҳияи лоиҳаҳои шарики давлат ва бахши хусусӣ, гузориши Котиби Шӯро, директории Муассисаи давлатии «Маркази татбиқи лоиҳаҳои шарикии давлат ва бахши хусусӣ» шунида шуд.

Дар охир вобаста ба масъалаҳои муҳокимашуда қорорҳои дахлдор қабул карда шуданд.     

27.04.2015

24 апрели соли 2015 бо даъвати Кумитаи давлатии сармоягузорӣ ва идораи амволи давлатӣ нахустин Анҷумани соҳибкорони Тоҷикистону Фаронса баргузор гардид. Дар чорабинии мазкур намояндагони вазорату идораҳои Ҷумҳурии Тоҷикистон, зиёда аз 20 нафар соҳибкорони Фаронса, 15 нафар намояндагони ширкатҳои Фаронса дар Тоҷикистон, инчунин беш аз 60 нафар соҳибкорони ватанӣ ширкат варзиданд.

Дар ин Анҷуман ҳарду ҷонибро намояндагони давраҳои соҳибкорони бахшҳои мухталифи иқтисодӣ, аз қабили энергетика, саноат, истихроҷи нафту газ, туризм, нақлиёту алоқа ва фаъолияти бонкӣ муаррифӣ намуданд.

Ба диққати иштирокчиён муаррифнома ва сабти видеоӣ дар мавзуи «Имкониятҳои сармоягузории Ҷумҳурии Тоҷикистон» пешниҳод гардид. Соҳибкорони Фаронса бо фазои сармоягузорӣ барои бахшҳои афзалиятноки иқтисодиёти Ҷумҳурии Тоҷикистон аз маводҳои иттилоотӣ шинос шуданд.

Дар анҷоми Анҷуман вохўрии дуҷониба байни соҳибкорони Тоҷикистону Фаронса баргузор гардид, ки дар ҷараёни он масъалаҳои гуногуни имкониятҳои иқтисодии ҳарду кишвар муҳокимаронӣ шуданд.

22.04.2015

Рӯзи 21 апрели соли 2015 дар дафтари Котиботи Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ мулоқоти Роҳбари Котибот - Нумон Абдуҷаборов бо намояндагони Лоиҳаи “Баланд бардоштани рақобатпазирии бахши хусусӣ”-и Бонки ҷаҳонӣ - Арис Молфетас ва Ҳироюки Тсузаки мулоқот намуд.

Дар рафти мулоқот масъалаҳои татбиқи босамари бахшҳои Лоиҳаи мазкур ва таъсири он ба нишондиҳандаҳои Тоҷикистон дар ҳисоботи «Пешбурди соҳибкорӣ»-и Бонки ҷаҳонӣ ибрози назар намуданд.

Роҳбари Котиботи Шӯрои машваратӣ ба меҳмонон иттилоъ дод, ки татбиқи ҳарчи зудтари бахшҳо, аз ҷумла дар самти мукаммал намудани низоми «Равзанаи ягона» барои бақайдгирии субъектҳои соҳибкорӣ, таъсиси низоми «Равзаняи ягона» барои дастрас намудани иҷозати оғози корҳои сохтмонӣ ва ташкили Феҳристи гарави амволи манқул барои беҳтар намудани нишондиҳандаи ҷумҳурӣ дар ҳисоботи «Пешбурди соҳибкорӣ»-и Бонки ҷаҳонӣ таъсири мусбӣ хоҳад расонд.

Дар анҷоми мулоқот ҷонибҳо ба мувофиқа расиданд, ки ҳамкориҳоро барои татбиқи босамари Лоиҳа идома хоҳанд дод.

21.04.2015

Роҳбари Котиботи Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ Нуъмон Абдуҷаборов дар Мизи мудаввар, ки 20 апрели соли ҷорӣ бо иштироки доираҳои тиҷоратии аъзои Ассосиатсияи соҳибкорону сармоягузорони Тоҷикистону Туркия дар шаҳри Душанбе баргузор гардид, иштирок ва суханронӣ намуд. Қобили зикр аст, ки дар чорабинӣ ширкатҳои бузургу миёнаи Туркия дар соҳаҳои сохтмон, истеҳсол ва тиҷорат аз ҷониби Тоҷикистон намояндагони маъмурияти МОИ «Данғара» ва «Панҷ» иштирок намуданд.

Дар баромади Роҳбари Котиботи Шӯро ва намояндагони маъмурияти минтақаҳои озоди иқтисодӣ ба сармоягузорони Туркия оид ба ислоҳоти аз ҷониби Ҳукумати Ҷумҳурии Тоҷикистон дар самти ҷалби сармоя ва беҳсозии фазои сармоягузорӣ ва имкониятҳои МОИ маълумот пешниҳод карда шуд.

Сармоягузорони Туркия пас аз дарёфти иттилооти зарурӣ ва муфид, ба хусус оид ба ислоҳотҳои дар самти беҳтар намудани фазои сармоягузорӣ ва соҳибкорӣ дар Ҷумҳурии Тоҷикистон гузаронида шуда ва изҳори қаноатмандӣ аз ин раванд, инчунин маълумотҳои оид минтақаҳои озоди иқтисодӣ пешниҳодгардида ба иброз доштанд, ки имкониятҳои МОИ «Данғара» ва «Панҷ»-ро омӯхта, барои сохтмони иншоот дар ин минтақаҳо тасмим хоҳанд гирифт.

14.04.2015

Рӯзи 14 апрели соли 2015 дар дафтари Котиботи Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ Роҳбари Котибот Нумон Абдуҷаборов бо коршиносон ва таҳлилгарони “Пешбурди соҳибкорӣ”-и Бонки ҷаҳонӣ мулоқот намуд.

Дар рафти мулоқот Роҳбари Котиботи Шӯрои машваратӣ вобаста ба ислоҳоти дар соли 2014 дар доираи фаъолияти Шӯрои машваратии назди Президент оид ба беҳтар намудани фазои сармоягузорӣ татбиқшуда, аз ҷумла дар самти беҳтар намудани мавқеи Тоҷикистон дар ҳисоботи “Пешбурди соҳибкорӣ”-и Бонки Ҷаҳонӣ аз рӯи нишондиҳандаҳои пайстшавӣ ба шабакаи таъминоти қувваи барқ ва таъмини иҷроиши қарордод ба иштирокчиён маълумоти муфассал манзур намуд.

Инчунин ба иштирокчиён вобаста ба масъалаҳои беҳтар намудани фазои сармоягузорӣ дар бахши туризм ва суғурта, рушди такрории бозори қоғазҳои қимматнок ва биржаҳои фондӣ, шомилшавии Тоҷикистон ба Конвенсияи Гаага, ташкили гурӯҳи корӣ ва ба фаъолият шурӯъ намудани он ҷиҳати баррасӣ ва пайгирии масъалаҳо дар самти беҳтар намудани фазои сармоягузорӣ дар бахши саноат, раванди фаъолияти гурӯҳи корӣ дар самти беҳтар намудани фазои сармоягузорӣ дар соҳаи кишоварзӣ ва рушди тиҷорати аграрӣ (агробизнес), дастгирии молистеҳсолкунандагони ватанӣ ва рушди истеҳсолоти миллӣ маълумоти муфассал пешниҳод шуд.

Инчунин дар мулоқот масъалаи пурра ба инобат гирифтани ислоҳоти татбиқшуда бо мақсади беҳсозии нишондиҳандаҳои Ҷумҳурии Тоҷикистон дар ҳисоботи “Пешбурди соҳибкорӣ”-и Бонки ҷаҳонӣ мавриди муҳокимаи ҷонибҳо қарор гирифт. 

07.04.2015

Рӯзи 06 апрели соли 2015 бо ташаббуси Кумитаи давлатии сармоягузорӣ ва идораи амволи давлатии Ҷумҳурии Тоҷикистон дар бинои Китобхонаи миллии Тоҷикистон Мизи мудаввардар мавзӯи “Роҳҳои беҳтар намудани ҷалби сармояи хориҷӣ ба иқтисодиёти Ҷумҳурии Тоҷикистон” баргузор гардид.

Чорабиниро Муовини якуми Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон, Файзуллозода Лочин Нусратулло аз номи Роҳбарияти Кумита ифтитоҳ намуда, қайд кард, ки ҳадаф аз баргузории чорабинӣ баррасии масъалаҳои ҷалби беҳтари сармояи хориҷӣ ва муаян кардани монеаҳо дар ин самти муҳими кишвар ба ҳисоб меравад.

Дар идомаи мизи мудаввар намояндаи доимии Бонки аврупоии таҷдид ва рушд дар Тоҷикистон, Ричард Ҷонс, роҳбари департаменти рушди бахши хусусии Шӯрои ҳамоҳангсозии шарикони рушд, Кристин Лаабс, Ректори Донишкадаи молия ва иқтисодии Тоҷикистон, Солиев Ашурбой, ҷонишини Ректори Донишкадаи соҳибкорӣ ва хизмати Тоҷикистон Мирзохонов Сироҷиддин Баромади иҷрокунандаи Директори Институти иқтисодиёт ва демографияи Академияи илмҳои Ҷумҳурии Тоҷикистон, Мирсаидов Аброр оид ба роҳҳои беҳтар намудани ҷалби сармояи хориҷӣ ба иқтисодиёти кишвар баромад карда, таклифу пешниҳодҳои судманди худро, оид ба мавзуи матрахгардида манзури иштирокчиён намуданд.

Оид ба саҳми муколамаи давлат ва бахши хусусӣ дар гузаронидани ислоҳоти иқтисодӣ баромади Роҳбари Котиботи Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ дар Ҷумҳурии Тоҷикистон, Абдуҷаборов Нуъмон шунида шуд.

Илова бар ин дар мизи мудаввар оид ба раванди таҳияи лоиҳаи Қонуни Ҷумҳурии Тоҷикистон “ Дар бораи сармоягузорӣ” дар таҳрири нав Сардори Раёсати сармоягузории Кумитаи давлатии сармоягузорӣ ва идораи амволи давлатии Ҷумҳурии Тоҷикистон, Қурбонов Сафаралӣ маълумот дод.

Аз ҷониби сармоягузорони хориҷӣ директори ҶДММ “Шивер-Тоҷикистон”, бренди ҷаҳонии “Ашан”, Фредерик Лоббе, намояндаи тиҷоратии Ҷумҳурии халқии Хитой, намояндаи Ширкати саноатӣ ва кӯҳии Тоҷикистону Хитой ва аз ҷониби бахши хусусии ватанӣ муовини аввали Раиси Ассотсиатсияи бонкҳои Тоҷикистон, Саидисмонов Р. баромадҳои худро ирсол карданд.

Пас аз баромади маърузачиён иштироккунандагони мизи мудаввар мулоҳизаронӣ намуда, саволу ҷавоб сурат гирифт.

Дар анҷоми чорабинӣ Изҳороти “Мизи мудаввар” кабул карда шуд, ки дар он устувории қонунгузорӣ, кам кардани дахолати мақомоти санҷишӣ ба фаъолияти соҳибкорӣ, аз он ҷумла аз байн бурдани санҷишҳои пай дар пай, инчунин ташкили Фонди суғуртаи сармоя ва стратегияи инвеститсияҳои инноватсионӣ масъалаи мубрам ҳисобида шуданд.

13.03.2015

Рӯзҳои 10-13 марти соли 2015 дар шаҳри Копенгагени Дания ҳамоиши байналмилалӣ оид ба муколамаи давлат ва бахши хусусӣ доир гардид.

Ҳамоиши мазкур бо ибтикори Бонки Ҷаҳонӣ дар ҳамкорӣ бо Конфедератсияи Дания оид ба саноат ва дигар созмонҳои байналмилалӣ баргузор гардида, дар он зиёда аз 300 нафар намояндагони бахшҳои давлативу хусусӣ ва шарикони рушд аз 54 мамлакати олам иштирок намуданд.

Дар чорабинӣ бо сухани ифтитоҳӣ шоҳбонуи Дания хонум Мари баромад намуда, вобаста ба аҳамияти муколамаи давлат ва бахши хусусӣ дар рушди иқтисодии мамлакат ибрози назар намуд.

Инчунин дар чорабинӣ намояндагони як қатор сохторҳои муколамаи давлат ва бахши хусусӣ, роҳбарони вазорату идораҳои давлатӣ, корхонаҳои бузурги саноатӣ, созмонҳои соҳибкорӣ, ташкилотҳои бонуфузи байналмилалӣ иштирок ва суханронӣ намуданд.

Намояндагони кишварҳои иштирокчӣ оид ба фаъолияти сохтори муколамаи давлат ва бахши хусусӣ ва аҳамияти он ҷиҳати рушди бахши хусусиву соҳибкорӣ, ҷалби сармоя ва дар маҷмуъ рушди иқтисодиёти мамлакатҳои худ муаррифномаҳо пешниҳод намуданд.

Дар кори форум, аз ҷумла корҳои анҷомдодашуда дар самти таҳкими муколамаи давлат ва бахши хусусӣ, беҳтар намудани фазои сармоягузорӣ ва фаъолияти соҳибкорӣ дар Ҷумҳурии Тоҷикистон муаррифӣ карда шуд.

Қобили тазаккур аст, ки бо эътирофи ислоҳоти аз ҷониби Ҷумҳурии Тоҷикистон дар самти беҳсозии фазои сармоягузориву соҳибкорӣ таҳти сарварии Президенти Ҷумҳурии Тоҷикистон, Ҷаноби Олӣ муҳтарам Эмомалӣ Раҳмон доиргардида, дар байни сохторҳои муколамаи давлат ва бахши хусусии мамлакатҳои иштирокчӣ - Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ ҳамчун сохтори беҳтарини муколамаи давлат ва бахши хусусӣ дар арсаи ҷаҳонӣ пазируфта шуд ва бо ҷоизаи байналмилалии «Ҳовард» (Howard)-и Бонки Ҷаҳонӣ ва Конфедератсияи Дания оид ба саноат сарфароз гардонида шуд.

Қобили зикр аст, ки соли гузашта дар доираи фаъолияти Шӯрои машваратӣ дар ҳамкорӣ бо Кумитаи давлатии сармоягузорӣ ва идораи амволи давлатии Ҷумҳурии Тоҷикистон як қатор ислоҳот дар самтҳои беҳсозии фазои сармоягузорӣ дар бахшҳои сайёҳӣ, суғурта, рушди бозори такрории қоғазҳои қиматнок ва биржаҳои фондӣ, беҳтар намудани нишондиҳандаҳои Тоҷикистон дар арзёбиҳои байналмилалӣ, ташкили рейтинги кредитии соҳибихтиёрии Тоҷикистон, ба тасвиб расонидани Конвенсияи Гаага оид ба бекор намудани таъйиди ҳуҷҷатҳои расмии хориҷӣ, мулоқоти Президенти Ҷумҳурии Тоҷикистон бо соҳибкорону сармоягузорон, нахустин Форуми иқтисодӣ ва сармоягузории Душанбе – 2014 таҳти унвони «Соҳибкорӣ – муҳаррики иқтисодиёт» ва дигар чорабиниҳо дар самти беҳсозии фазои сармоягузориву соҳибкорӣ гузаронида шуданд.

12.03.2015

Тибқи супориши протоколии ҷаласаи ХIV Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ дар Вазорати кишоварзии Ҷумҳурии Тоҷикистон нахустин ҷаласаи гуруҳи корӣ оид ба беҳтар намудани фазои сармоягузорӣ дар бахши кишоварзӣ ва рушди тиҷорати аграрӣ баргузор гардид.

Дар кори ҷаласа аъзои гуруҳи корӣ, намояндагони вазорату идораҳои дахлдор иштирок намуданд.

Зимни ифтитоҳи ҷаласа Роҳбари гуруҳи корӣ, Муовини якуми вазири кишоварзии Ҷумҳурии Тоҷикистон Ҳотамов Д. таваҷҷуҳи доимии роҳбарияти кишварро ба рушди соҳаи кишоварзӣ қайд карда, барои дастгирии бевоситаи Президенти мамлакат муҳтарам Эмомалӣ Раҳмон аз ин соҳаи барои иқтисодиёти ҷумҳурӣ муҳим, ҳамчунин иқдоми роҳбари давлат ҷиҳати баррасии масъалаҳои марбут ба соҳаи кишоварзӣ дар ҷаласаи Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ изҳори сипос намуд.

Ҳамзамон, Ҳотамов Д. оид ба самтҳои асосии фаъолияти гуруҳи корӣ, зарурати баррасии масъалаҳо ва таҳлили ҳамаҷонибаи соҳа бо мақсади фарогирии ҳамаи ҷанбаҳои он ибрози назар карда, изҳори итминон намуд, ки гуруҳи корӣ дар рушди соҳаи кишоварзӣ бо таҳия намудани таҳлилҳои амиқ ва тавсияҳои муфид дар ин самт саҳми муносиб хоҳад дошт.

Дар ҷаласа инчунин оид ба ҳамоҳанг намудани масъалаҳои баррасишаванда, раванди таҳияи тавсияҳо ва фаъолияти минбаъдаи гуруҳи корӣ табодули назар сурат гирифт.

03.03.2015
Имрӯз дар дафтари кории Котиботи Шӯрои машваратӣ мулоқоти Роҳбари Котиботи Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ бо Калмон Калотай – масъули бахши иқтисодии Конфронси Созмони Миллали Муттаҳид оид ба тиҷорат ва рушд баргузор гардид.

Дар мулоқот масъалаҳои вобаста ба раванди ислоҳот дар самти беҳтар намудани фазои сармоягузорӣ ва фаъолияти соҳибкорӣ, рушди бахши хусусӣ, фазои сармоягузорӣ дар Ҷумҳурии Тоҷикистон, ҷалби бештари сармояи хориҷӣ ва дигар масъалаҳо табодули афкор сурат гирифт.

Аз ҷумла, роҳбари Котиботи Шӯро Нуъмон Абдуҷаборов оид ба раванди татбиқи ислоҳот дар самти беҳтар намудани фазои соҳибкорӣ ва сармоягузорӣ ва дастовардҳо дар ин самт ибрози назар намуд.

Ҷаноби Калмон Калотай иброз дошт, ки раванди омода кардани гузориш оид ба таҳлили сиёсати сармоягузорӣ дар Ҷумҳурии Тоҷикистон оғоз гардида, он то соли 2016 идома меёбад. 

26.02.2015

Имрӯз Маҷлиси намояндагони Маҷлиси Олии Ҷумҳурии Тоҷикистон пешниҳоди Ҳукумати ҷумҳуриро оид ба ворид кардани тағйирот ба Қонуни Ҷумҳурии Тоҷикистон «Дар бораи рӯзҳои ид» ҷиҳати ҳама сола санаи 14 октябр таҷлил намудани Рӯзи соҳибкорон ҷонибдорӣ намуд.

Қобили зикр аст, ки Президенти Ҷумҳурии Тоҷикистон Ҷаноби Олӣ, муҳтарам Эмомалӣ Раҳмон зимни мулоқоти худ бо соҳибкорону сармоягузорон барои саъю талошварзиҳои онҳо ҷиҳати устувор намудани асосҳои иқтисодии истиқлолияти давлат, бунёди корхонаву муҳайё намудани ҷойҳои корӣ, саҳми онҳо дар коҳиш додани сатҳи камбизоатӣ дар ҷумҳурӣ, дастгирии эҳтиёҷмандону ниёзмандон миннатдорӣ баён намуда, ба хотири заҳматҳо дар роҳи ободии Ватан ва ҳамчун рамзи дастгирии фаъолияти содиқонаву софдилонаи соҳибкорон 14 – уми октябрро дар мамлакат Рӯзи соҳибкорон эълон намуданд.

Тавре маълум аст, аз натиҷаи мулоқоти Президенти мамлакат бо соҳибкорону сармоягузорон 31 октябри соли 2014 Нақшаи чорабиниҳо қабулкардашуда, Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ соли ҷорӣ ҷиҳати амалӣ намудани он ва иқдоми Сарвари давлат вобаста ба таҷлили Рӯзи соҳибкорон, як қатор чорабиниҳоро ба нақша гирифтааст.

Нахустин соли ҷашни Рӯзи соҳибкоронро ба соҳибкорону тоҷирони ҷумҳурӣ ва ба тамоми мардуми кишвар, ки дар баланд бардоштани сатҳи зиндагии онҳо нақши соҳибкорон муассир хоҳад буд, шодбош гуфта, дар фаъолияти пурсамари онҳо барору комёбиҳо хоҳонем.


Пешниҳодот ба Шӯрои машваратӣ
734000 Ҷумҳурии Тоҷикистон, ш. Душанбе, Регус, кучаи Нисор Муҳаммад 5/5
Тел.: (+992 44) 601-00-27, (+992 44) 601-00-28, (+992 44) 601-00-29 
Почтаи электронӣ:secretariat@investmentcouncil.tj